චන්ද පිරිත
ඒවං මේ සුතං, ඒකං සමයං භගවා සාවත්ථියං විහරති ජේතවනේ අනාථපිණ්ඩිකස්ස ආරාමේ. තේන ඛෝ පන සමයේන, චන්දිමා දේවපුත්තෝ රාහුනා අසුරින්දේන ගහිතෝ හෝති. අථ ඛෝ චන්දිමා දේවපුත්තෝ භගවන්තං අනුස්සර මානෝ තායං වේලායං ඉමං ගාථං අභාසි :-
නමෝ තේ බුද්ධවීරත්ථු
විප්පමුත්තෝසි සබ්බධි
සම්බාධපටිපන්නෝහෝති
තස්ස මේ සරණං භවාති
අථ ඛෝ භගවා චන්දිමං දේව පුත්තං ආරබ්භ රාහුං අසුරින්දං ගාථාය අජ්ඣභාසි.
තථාගතං අරහන්තං
චන්දිමා සරණං ගතෝ
රාහු චන්දං පමුක්දස්සෝ
බුද්ධා ලෝකානුකම්පකාති.
අථ ඛෝ රාහු අසුරින්දෝ චන්දිමං දේවපුත්තං මුඤ්චිත්වා තරමාන රූපෝ යේන වේපචිත්ති අසුරින්දෝ තේනුපසංකමි. උපසංකමිත්වා සංවිග්ගෝ ලෝමහට්ඨජාතෝ ඒක මන්තං අට්ඨාසි ; ඒකමන්තං ඨිතං ඛෝ රාහුං අසුරින්දං වේපචිත්ති අසුරින්දෝ ගාථාය අජ්ඣභාසි :-
කින්නුසන්තරමානෝව
රාහු චන්දං පමුඤ්චසී,
සංවිග්ගරූපෝ ආගම්ම
කින්නුභීතෝව තිට්ඨසීති.
සත්තධා මේ ඵලේ මුද්ධා
ජීවන්තෝ න සුඛං ලභේ,
බුද්ධගාථාභිගීතෝම්හි
නෝ චේ මුඤ්චෙය්‍ය චන්දිමන්තී.