මහා මංගල සූත්‍රය | Maha Mangala Sutta
ඒවං මේ සුතං සමයං භගවා සාවත්ථියං විහරති. ජේතවනේ අනාථ පිණ්ඩිකස්ස ආරාමේ. අථඛෝ අඤ්ඤතරා දේවතා අභික්කන්තාය රත්තියා අභික්කන්ත වණ්ණා කේවල කප්පං ජේතවනං ඕභාසෙත්වා යේන භගවා තේනුපසංකමි. උපසංකමිත්වා භගවන්තං අභිවාදෙත්වා ඒකමන්තං අට්ඨාසි. ඒකමන්තං ධිතා ඛෝ සා දේවතා භගවන්තං ගාථාය අජඣභාසි.
බහු දේවා මනුස්සා ච – මංගලානි අචින්තයුං
ආකංඛමානා සොත්ථානං – බ්‍රෑහි මංගල මුත්තමං
අසේවනා ච බාලානං – පණ්ඩිතානඤ ච සේවනා
පූජාච පූජනීයානං – ඒතං මංගල මුත්තමං
පතිරූප දේස වාසො ච – පුබ්බේ ච කත පුඤ්ඤතා
අත්ත සම්මා පණීධි ච – ඒතං මංගල මුත්තමං
බාහු සච්චං ච සිප්පං ච – විනයෝ ච සුසික්ඛිතෝ
සුභාසිතා ච යා වාචා – ඒතං මංගල මුත්තමං
මාතපිතා උපට්ඨානං – පුත්තදාරස්ස සංඝහෝ
අනාකුලා ච කම්මන්තා – ඒතං මංගල මුත්තමං
දානඤ්ච ධම්ම චරියා ච – ඤතකානංච සංගහෝ
අනවජ්ජානි කම්මානි – ඒතං මංගල මුත්තං
ආරති විරති පාපා – මජ්ජපානා ච සඤ්ඤමෝ
අප්පමාදෝ ච ධම්මේසු – ඒතං මංගල මුත්තමං
ගාරවෝ ච නිවාතෝ ච – සන්තුට්ඨි ච කතඤ්ඤුතා
කාලේන ධම්ම සවණං – ඒතං මංගල මුත්තමං
ඛන්තී ච සෝවචස්සතා – සමණානං ච දස්සනං
කාලේන ධම්ම සාකච්ජා – ඒතං මංගල මුත්තමං
තපෝ ච බ්‍රහ්මචරියං ච – අරියසච්චාන දස්සනං
නිබ්බාන සච්ජි කිරියාච – ඒතං මංගල මුත්තමං
ඵුට්ඨස්ස ලෝක ධම්මේහි – චිත්තං යස්සන කම්පති
අසෝකං විරජං ඛේමං – ඒතං මංගල මුත්තමං
එතාදිසානි කත්වාන – සබ්බත්ථ මපරාජිතා
සබ්බත්ථ සොත්ථිං ගච්ජන්ති තං – තේසං මංගල මුත්තමන්ති