නිවැරදි අරිය මෛත්‍රී භාවනාව
මමද සියළු ලෝක සත්වයෝ, මේ පැවැත්ම පිළිබඳව සංසාර දුක පිළිබඳව යථාවබෝධයක් ලබාගෙන සත්වයන් විඳවන දුක දැක සතර අපායෙන්ද මිදී නිදහස් වී නිවන කෙරෙහිම යොමු වුවෙක බවටම පත් වී සෝවාන් ඵලයෙන් නිදුක් වෙත්වා. . . !
මමද සියළු ලෝක සත්වයෝ, කාම රාග පටිඝ තුනී කර දාහයෙන්, අසහනයෙන් මිදී සකදාගාමී ඵලයෙන් නිරෝගී වෙත්වා. . . !
මමද සියළු ලෝක සත්වයෝ, කාම රාග පටිඝ සහමුලින්ම නැති කර පුර්ණ සමාධි සුවයක් ලබා අනාගාමී ඵලයෙන් සුවපත් වෙත්වා. . . !
මමද සියළු ලෝක සත්වයෝ, සියළු කෙලෙසුන්ගෙන් මිදී නිදහස් වී උතුම් අරහත් ඵලයෙන් දුකෙන් මිදෙත්වා. . . !
නිවන සුවයෙන් සුවපත් වෙත්වා. . .! ! !
ලොව්තුරා බුද්ධත්වයට පත් උතුමකුගෙන් හෝ බුදුන්වහන්සේගෙන් දහම අසා දැනගත් බුද්ධ ශ්‍රාවකයකුගෙන් හෝ එම ශ්‍රාවක පරපුරෙන් දහම අසා දැනගත් බුද්ධ ශ්‍රාවකයකු පමණක්ම දන්නා, සසර ණය ගනුදෙනුවෙන් මිදී ගමන අහවර කර අන්‍යයන්ටද සසරේදී කරන ලද හිංගි හිංසා අසාධාරණ ක්‍රියාවන්ගෙන් මිදී නිදහස් වීමටත්, තමා තුල පවතින කෙලෙසුන්ගෙන් මිදී උතුම් වු නිවන් මග අප්‍රමාදව පූර්ණය කර ගැනීමටත්, නියත වශයෙන්ම උපකාර වන “නිවැරදි අරිය මෛත්‍රී භාවනාව” නැවත ලෝකයට විවෘත කර දී ඇත.
Leave a Reply